(Bodhi Linux Logo) (Moksha Logo)
(Bodhi Linux Logo)

Пытанні і адказы



Многія новыя карыстальнікі Bodhi маюць аднолькавыя пытанні. Таму адкажам тут на некаторыя з іх.

Што такое Bodhi Linux?

Bodhi Linux — гэта аперацыйная сістэма, заснаваная на Linux, якая будуецца на дыстрыбутывах Ubuntu з падоўжаным тэрмінам падтрымкі (LTS). Нашай мэтай з'яўляецца стварэнне стабільнай непатрабавальнай да рэсурсаў камп'ютара аперацыйнай сістэмы, якая не адцягвае ўвагу карыстальніка ад яго надзённых спраў. Мы выпускаем новую версію прыблізна кожныя два гады, калі з'яўляюцца новыя выпускі Ubuntu LTS. Кожная версія падтрымліваецца каля пяці гадоў, пакуль дзейнічае падтрымка адпаведнага рэлізу Ubuntu LTS.


Чаму прадусталявана так мала праграм?

Часткай філасофіі Bodhi Linux з'яўляюцца мінімалізм ды свабода выбару. Мы лічым, што нашы карыстальнікі лепш ведаюць, якія праграмы ім патрэбны. У сваю чаргу, мы даем лёгкі шлях да ўсталявання праграм у выглядзе Цэнтра праграм. Мы таксама лічым, што лепей ды лягчэй пабудаваць сістэму на свой густ з самага пачатку, а не выдаляць спачатку безліч непатрэбных праграм, каб потым усталяваць патрэбныя ці пажаданыя.

Вы можаце даведацца аб гэтым больш з раздзелу Усталяванне праграм.


Што такое Moksha?

Moksha — гэта адгалінаванне праекта распрацоўкі графічнага асяроддзя Enlightenment DR17, якое кіруецца камандай Bodhi Linux. Праект Moksha канцэнтруецца на захаванні непатрабавальнасці да камп'ютарных рэсурсаў пры высокім узроўні прыстасавання да розных умоў выкарыстання.


Наступнае пытанне…

Адказы на іншыя пытанні шукайце ў нашай дакументацыі Wiki.